09.1999. Nautrānu v.-školā nūteik konfereņce ’’Rogovkai- 200’’. Teik dūmuots par školuotuoju apvīneibys dybynuošonu, par školuotuoju nūmetni.
21.12.2000. Saeimā pījimts Vaļsts volūdys lykums, kura 3. pantā 4. punktā saceits: “Valsts nodrošina latgaliešu rakstu valodas kā vēsturiskas latviešu valodas paveida saglabāšanu, aizsardzību un attīstību”
13.02.2000. Nūteik televizejis diskuseja “Latgalīšu volūda: situaceja i attīsteiba”.
01.04.2000.Rēzeknē teik organiziets seminars školuotuojim “Latviešu valodas kvalitatīvākas mācīšanas iespējas Latgales novada skolās”. Izaveidoj dorba grupa ar mierki dybynuot latgalīšu školotoju asociaceju.
20.05.2000. Nūdybynuota Latgalīšu volūdys, literaturys i kulturviesturis asociaceja . Īvālāta asociacejis vaļde:
Imants Slyšans – Baļtinovys v.-šk.,
Marija Mickane- Rēzeknes piļsātys Izgleiteibys nūdaļis vadeitoja,
Veronika Dundure- Nautrānu v.-šk.,
Lideja Polukejeva- Makašānu omotu v.-šk.,
Anna Lavrentjeva- Rēzeknes 1. v.-šk.,
Par vaļdis prīkšsādātuoju īvālāta Nautrānu v.-šk. latvīšu volūdys i literaturys školuotuoja Veronika Dundure, par vītnīku- Baļtinovys v.-šk. ģeografejis školuotuojs Imants Slyšans.
06.-10.08.2000. Ar kulturkapitala fonda atbolstu Nautrānu vydsškolā nūteik školuotuoju nūmetne- kursi “Latgalīšu kulturmantojums myusu školā”. Nūmetnis vadeitoja – Anita Žogota – Nautrānu vydsškolys direktore. Pīsadoluos 26 školuotuoji nu 18 školom. Tyka pījimts aicynuojums- Latgalis školuotojim.
01.09.2000. Stuojās spākā Vaļsts volūdys lykums.
17.01.2001. – LR uzjāmumu reģistrā Latgalīšu volūdys, literaturys i kulturviesturis školuotuoju asociaceja (LVLKŠA), kas reģistreita kai sabīdriska organizaceja.
01.03.2001. Laikrokstā “Izglītība un Kultūra” publicāta LVLKŠA puslopa “Gaita”.
28.04.2001. Rēzeknis 1. vydškolā nūteik pyrmuo latgalīšu volūdys i kulturviesturis olimpiade vydsškolānim i skotuvis runys konkurss “Vuolyudzāni”. Pīsadola 124 školāni nu 29 Latgolys izgleiteibys īstuodem.
05. – 09.08.2001. Bolvu rajona Rekovys vydsškolā nūteik ūtruo školuotuoju nūmetne – kursi “Vosoruošona – 2001.” Kursu golvonuo tema – Latgalīšu rokstu volūdys i kulturviesturis vuiceišona Latgolys školuos: pīredze, fakti, jaunuokuos atzinis. Kursūs tyka organizeita presis konference par temu “Latgalīšu volūdys vīta Latvejā i pasaulī”. Klauseituoji īpazyna igauņu (Veru instituts), lītavnīku (Žemaišu) i boltkrīvu pīredzi regionaluos volūdys saglobuošonā i vuicēšonā, muoceibu leidzekļu izdūšonā. Pīsadola 23 školuotuoji nu 14 školom.
25.10.2001. - 13.05.2002. Muoceibu goda laikā RA teik organizeiti kursi školuotuojim “Latgalīšu volūdys, literaturys i kulturviesturis īdzeivynuošona muoceibu procesā”. Pīsadola 17 školuotuoji.
05.04.2002. Nautrānu vydsškola i LVLKŠA atkluoj Latgalīšu rokstu volūdys, literaturys i kulturviesturis metodiskū centru Nautrānu v.-školā ar IZM Latgolys Programmys atbolstu.
06. – 07.04.2002. LVLKŠA pīsadola Lītuvā izgleiteibys i kulturys darbinīku konferencī par žemaišu volūdys situaceju i saglobuošonu.
27.04.2002. Rēzeknes 1. v.-školā nūteik ūtruo latgalīšu volūdys i kulturviesturis olimpiade vydsškolānim i skotuvis runys konkurss “Vuolyudzāni”.Pīsadola 105 školāni nu 24 Latgolys školom. Kūpā ar LVLKŠA tū organizej Rēzeknes Augstškolys Baltu filoloģejis Pietnīceibys centrs.
22.07.- 03.08.2002. LVLKŠA jam daleibu velobraucīņa “Latgolys skūla” i internetkonkursa par Latgolu “Velobraucīņs” organizeišonā i nūrisē.
04. - 09.2002. Daugavpiļs rajona Špoģu vydsškolā nūteik trešuo školuotuoju nūmetne – kursi “ Vosoruošona – 2002”.Teik organizāta presis konference “Latgalīšu volūdys vīta nūvoda pašvaļdeibuos”. Pīsadola Daugavpiļs rajona pašvaļdeibu vadeituoji, 8.Saeimys deputati Anta Rugāte i Valdis Lausks. Kursūs pīsadola 26 školuotuoji nu 22 školom.
26.04.2003. Rēzeknes 1. v.-školā nūteik trešuo latgalīšu volūdys i kulturviesturis olimpiade vydsškolānim i skotuvis runys konkurss “Vuolyudzāni”. Pīsadola 113 školāni nu 28 Latgolys školom. Kūpā ar LVLKŠA tū organizej RA Baltu filoloģejis Pietnīceibys centrs.
03. – 08.2003. Kruoslovys rajona Dagdys vydsškolā nūteik caturtuo školuotuoju – studentu nūmetne – kursi “Vosoruošona – 2003”.Pīsadola 28 školuotuoji nu 19 školom.
24.04.2004. Rēzeknes 1.v.-školā nūteik caturtuo latgalīšu volūdys i kulturviesturis olimpiade vydsškolānim i skotuvis runys konkurss “Vuolyudzāni”. Pīsadola 116 školānu nu 36 Latgolys izgleiteibys īstuodem.
11. – 17.07.2004. Ludzys rajona Kuorsovys piļsātys ģimnazejā nūteik vosorys nūmetne školu jaunatnei “Atzolys” ar mierki īpazeistynuot Latgolys jaunīšus ar nūvoda viesturi i kultūru, paleidzēt apsazynuot sova nūvoda bogoteibys i savdabeibu.Projekta vadeituoja – Ilona Zaiceva(Latgolys Studentu Centrs), nūmetnis vadeituoja – Leiga Rundane(Kuorsovys piļsātys ģimnazejis školuotuoja).
02. – 07.08.2004. Preiļu rajona Vuorkovys vydsškolā nūteik pīktuo školuotuoju – studentu nūmetne – kursi “Vosoruošona – 2004”. Nūtyka vosoruotuoju diskuseja par nūmetņu turpmuokū organizeišonuiz prīšku.
